Xəbərlər

28 Nov 2024

İclaslar

GGİ-də DİSSERTANT VƏ DOKTORANTLARIN ATTESTASİYASI İLƏ BAĞLI YARADILMIŞ KOMİSSIYANIN İCLASI KEÇİRİLİB

Geologiya və Geofizika İnstitutunda elmlər və fəlsəfə doktoru hazırlığı üzrə təhsil alan dissertant və doktorantların attestasiyası ilə bağlı yaradılmış komissiyanın iclası keçirilib.

İnstitutun baş direktoru akademik Akif Əlizadənin əmri ilə İnstitutunun III, II təhsil illərinin fəlsəfə doktoru proqramı üzrə doktorantlarının və elmlər doktoru proqramı üzrə hazırlıq keçən dissertantlarının attestasiyası keçirilib.

İclasda elmlər doktoru hazırlığı üzrə 4 dissertant, fəlsəfə doktoru hazırlığı üzrə 8 doktorant attestasiya olunub. Elmlər doktoru proqramı üzrə dissertantlardan 3 nəfər II il üçün, 1 nəfər isə I hazırlıq üzrə illik hesabat təqdim edib. Onlar dissertasiya mövzusularının planına və əsasnaməyə uyğun olaraq dissertasiya işlərinin gedişatı haqqında komissiya üzvlərinə məlumat veriblər. Məruzəçilər mövzunun strukturunun qısa məzmununu və gələcək planlarını da komissiya üzvlərinin diqqətinə çatdırıblar.

Attestasiya komissiyası fəlsəfə doktorluğu üzrə hazırlıq keçən doktorantların fərdi iş planlarının yerinə yetirilməsi, minimum imtahanlarının verilməsi, məqalələrin yerli, xarici və impakt faktorlu nəşrlərdə nəşri ilə əlaqədar müzakirələr aparıb.

Komissiya, attestasiya olunanlarla söhbət zamanı işin gedişatında rast gəlinən bəzi problemlərdən bəhs edib və problemlərin aradan götürülməsi üçün müəssisənin rəhbərliyi tərəfindən lazım olan hər cür dəstəyin göstəriləcəyini bəyan edib.