Xəbərlər

19 Mar 2024

Diqər xəbərlər

ALİMLƏRİMİZ GGİ-ni “SU HƏFTƏSİ”NDƏ TƏMSİL EDİBLƏR

Elm və Təhsil Nazirliyi Geologiya və Geofizika İnstitutu Geoekologiya şöbəsinin rəhbəri c.e.d. Vaqif Məmmədov və şöbənin əməkdaşı g.-m.e.n. Ramiz Məmmədov İnstitutu Bakı Ekspo Mərkəzində (Bakı Expo Center) keçirilmiş “Su Həftəsi”ndə təmsil ediblər. Alimlər Beynəlxalq Su Təsərrüfatı Sərgisi və Konfransının işində iştirak edərək son 10-15 ildə hazırlanmış elmi kitab, məqalə və xəritələri nümayiş etdiriblər. Həmçinin GGİ-də su tədqiqatları sahəsində qazanılmış elmi nailiyyətlər haqqında ziyarətçiləri məlumatlandırıblar. Çoxsaylı sualları cavablandıran İnstitut əməkdaşlarının çıxışları maraqla qarşılanıb.

Bildirək ki, sərgi təşkilatçıları Beynəlxalq Su Təsərrüfatı Sərgisində fəallıq göstərdiklərinə görə Vaqif Məmmmədovun və Ramiz Məmmədovun simasında Elm və Təhsil Nazirliyi Geologiya və Geofizika İnstitutu kollektivinə təşəkkür etmiş və nümayəndələri 2025-ci ildə keçirələçək sərgiyə dəvət ediblər.