Xəbərlər

15 Mar 2024

Diqər xəbərlər

BDU TƏLƏBƏLƏRİ GEOLOGİYA VƏ GEOFİZİKA İNSTİTUTUNDA TƏCRÜBƏ KEÇİRLƏR

Bakı Dövlət Universiteti ilə Elm və Təhsil Nazirliyinin Geologiya və Geofizika İnstitutu arasında uğurla davam edən qarşılıqlı əməkdaşlıq daha bir mərhələyə qədəm qoyub. Əməkdaşlığın daha səmərəli nəticə verməsi məqsədilə Universitet və İnstitut arasında yeni müqavilə imzalanıb. Tərəflər “Ali (orta ixtisas) təhsil müəssisələri tələbələrinin ixtisas üzrə təcrübəsinin keçirilməsi haqqında” Əsasnaməyə uyğun olaraq Geologiya və Geofizika İnstitutunda Bakı Dövlət Universiteti Kimya fakültəsi İV kurs tələbələrinin təcrübə keçmələri haqqında razılığa gəliblər.

Təcrübə keçəcək tələbələr üç qrupa bölünüblər və ilk qrup fevral ayının 16-dan İnstitutda bilik və təcrübələrini artırmaqdadırlar. Tədbir may ayının 24-nə kimi davam edəcək. Müqavilə müddətinin builki mərhələsndə 29 tələbənin iştirakı nəzərdə tutulub.

BDU tələbələri Geologiya və Geofizika İnstitutunun aparıcı dünya istehsalçılarının avadanlıqları ilə təchiz edilmiş Analitik mərkəzində süxurlar, filizlər, filizlərdən alınan texnoloji məhsullar, içməli sular, ekoloji sahələr və s. obyektlərin Almaniya,Yaponiya, Rusiya standartları və metodları üzrə analizlərin aparılması prosesində iştirak edirlər.

ETN Geologiya və Geofizika İnstitutunun direktoru akademik Akif Əlizadə ali məktəb tələbələri ilə görüşərək onların təcrübə prosesində iştirakı ilə bağlı sorğu keçirib və onlarla xatirə fotosu çəkdirib.