Xəbərlər

03 Nov 2023

Diqər xəbərlər

GGİ-də “AÇIQ QAPI” GÜNLƏRİ KEÇİRİLİB

Elm və Təhsil Nazirliyi Geologiya və Geofizika İnstitutunun (GGİ) Gənc Alim və Mütəxəssislər Şurası bu elm ocağının gəncləri, Bakı Dövlət Univeresiteti və Azərbaycan Dövlət Neft və Sənaye Universiteti tələbələri üçün “açıq qapı” təşkil edib.

GGİ-nin akt zalında İnstitutun tarıxçəsi, şöbələri, tədqiqat istiqamətləri, reallaşmış beynəlxalq və respublika əhəmiyyətli elmi tədbirlər barədə məlumat verildikdən sonra qonaqlar İnstitut mütəxəssislərinin müşayiəti ilə Analitik cihaz və avadanlıqlardan kollektiv istifadə mərkəzi, Neftin geokimyası laboratoriyası, Geoloji materialların texniki emalı şöbəsi, Dinamiki geologiya sobəsindəki paleomagnetizm laboratoriyası, Biota təkamülü və geoloji hadisələr şöbəsi və sonda Geoloji- mineroloji muzeyi ilə yaxından tanış olublar.

İki gün davam edən “açıq qapı” günlərində tələbələrin suallarına, maraqlandıqları məsələlərə aydınlıq gətirilib və onlarla xatirə fotoları hazırlanıb.