Xəbərlər

26 Sep 2023

Konfranslar

GEOLOGİYA VƏ GEOFİZİKA İNSTİTUTUNDA BEYNƏLXALQ ELMİ KONFRANS KEÇİRİLƏCƏK

Geologiya və Geofizika İnstitutu oktyabrın 10-da ümummilli lider Heydər Əliyevin 100 illik yubileyi münasibətilə gənc alim və tələbələrin “Geoinformatika, georesurslar, geoekologiya” mövzusunda IX Beynəlxalq elmi konfrans keçirir. Üç gün davam edəcək tədbirdə 10 xarici ölkədən yüzdən çox alimin iştirakı gözlənilir. Seksiyalar üzrə elmi müzakirə və poster müzakirələri, sahə tədqiqatlarında və geoloji obyektlərdə iştirak formatında reallaşacaq elmi sessiyanın işinə Elm və Təhsil Nazirliyinin, SOCAR, BP, AzerGold və geologiya-geofizika sahəsinə aid elmi-tədqiqat müəssisələrinin nümayəndələri qatılacaqlar.

Tədbirin rəsmi açılış mərasimi oktyabrın 10-da saat 10-00-da Elm və Təhsil Nazirliyi Geologiya və Geofizika İnstitutunun inzibati binasında baş tutacaq. Ünvan: H.Cavid prospekti - 119, III mərtəbə.

Xatırladaq ki, tədbirin sponsorları ARETN, SOCAR, BP, AzerGold təşkilatlarıdır.