Xəbərlər

28 Mar 2023

Diqər xəbərlər

AMEA-nın ELM GÜNÜNƏ HƏSR OLUNMUŞ TƏDBİRİNDƏ GGİ ALİMLƏRİNƏ MÜKAFATLAR TƏQDİM EDİLİB

Elm Gününə həsr olunmuş tədbiri giriş sözü ilə açan AMEA-nın prezidenti akademik İsa Həbibbəyli müasir dövrdə texnologiyanın üstünlüyü barədə məlumat verib. Elm günü münasibətilə bütün elm adamlarını təbrik edib.

Tədbir çərçivəsində elmi fəaliyyəti ilə fərqlənən bir sıra alimlərə Azərbaycan Ağsaqqallar Şurasının və Azərbaycan Həmkarlar İtttifaqı Konfederasiyasının Fəxri fərmanları, döş nişanları, AMEA-nın “İstinadda rekord”, “Elmin populyarlaşdırılmasında xidmətlərinə görə”, “Əmək veteranı vəsiqəsi”, “İlin gənc alimi diplomu” mükafatları və “Uğurlu məruzəyə görə” təşəkkürnamələr təqdim olunub.

Təltif olunanlar arasında Elm və Təhsil Nazirliyi Geologiya və Geofizika İnstitutu alimlərindən akademik Əkpər Feyzullayevə və akademik Fəxrəddin Qədirova bu il təsis edilmiş "İstinadda rekord" nominasiyası diplomu, AMEA-nın müxbir üzvü Tələt Kəngərliyə isə Azərbaycan elminin inkişafındakı mühüm xidmətlərinə görə “Fəxri Fərman” təqdim edilib.