Xəbərlər

15 Mar 2023

Diqər xəbərlər

GEOLOGİYA VƏ GEOFİZİKA İNSTİTUTUNDA GƏNCLƏRİN ŞAHMAT TURNİRİ KEÇİRİLİB

Ümummilli lider Heydər Əliyevin 100 illik yubileyi şərəfinə Elm və Təhsil Nazirliyi Geologiya və Geofizika İnstitutu gənclərı arasında şahmat turniri keçirilib.

Tədbirin əvvəlində bu elm ocağının baş direktoru akademik Akif Əlizadə çıxış edərək gəncləri salamlayıb, onlara idman uğurları arzulayıb, şərəfli yubiley tədbirinin əhəmiyyətini və onun nümunəvi gəncliyə xas xüsusiyyət kimi qiymətləndirib. Akademik vurğulayıb ki, axır çərşənbəyə təsadüf edən bu idman tədbiri gənc nəslin tarixi keçmişə, milli adət-ənənələrə, eləcə də müdrik insanlarımıza ehtiramın, qədirbilənliyin nümunəsi sayılmalıdır.

Sonra turnir iştirakçıları arasında püşkatma keçirilib. Eyni vaxtda oğlan və qızlardan ibarət iki qrup şahmat bacarıqlarını nümayiş etdiriblər.

İnstitutun 13 əməkdaşının üçgünlük idman mübarizəsində həm qızlar, həm də oğlanlar arasında I, II və III yerləri bölüşmüş gənclər müəyyənləşib və onlara müvafiq diplom, pul mükafatları və sertifikatlar təqdim edilib.

Oğlanlar arasında turnirin qalibləri:

Rövşən İsayev-I yer

Pərviz Məmmədov-II yer

Anar Məmmədov –III yer

Qızlar arasında turnirin qalibləri:

Gülcamal İsayeva-I yer

Mələkxanım Təhməzova-II yer

Reyhan Qaraşova-III yer

Suğra Heydərli-III yer

Akademik Akif Əlizadə yarış bitdikdən sonra iştirakçılar qarşısında çıxış edərək uğurla başa çatmış turnirin nəticələrindən məmnun olduğunu bildirib, qalibləri təbrik edərək onları daha irimiqyaslı idam tədbirlərində fəal iştiraka səsləyib. Eləcə də qarşıdan gələn Novruz bayramı münasibətilə gənc alim şahmatçıları təbrik edib.

Tədbirn sonunda turnir iştirakçılarından Əminə Şirinova pianoda Azərbaycan və dünya bəstəkarlarının əsərlərini səsləndirib.