Xəbərlər

03 Mar 2023

Diqər xəbərlər

GEOLOGİYA VƏ GEOFİZİKA İNSTİTUTUNUN ƏMƏKDAŞLARI “AZƏRKOSMOS”DA

Elm və Təhsil Nazirliyinin Geologiya və Geofizika İnstitutu (GGİ) ilə Azərbaycan Respublikasının Kosmik Agentliyi (Azərkosmos) arasında əməkdaşlıq haqqında anlaşma memorandumuna əsasən İnstitutun baş mütəxəssisi Tariel Hüseynovun rəhbərliyi və “Təhsil” şöbəsinin müdiri y.e.f.d. Səadət Ələkbərovanın iştirakı ilə bu elm ocağının gənc əməkdaşları Əsas Yerüstü Peyk İdarəetmə Mərkəzinə (ƏYPİM) səfər edidlər.

İlkin olaraq Coğrafi İnformasiya Sistemləri (CİS) mərkəzinin direktoru İsmət Baxışov və ƏYPİM-in əməkdaşları ekskursiya iştirakçılarına Mərkəzin yerin məsafədən müşahidəsi xidmətlərinin fəaliyyəti, peyk məlumatlarından istifadə edilməsi haqqında ümumi məlumat veriblər. ƏYPİM-in aparıcı mütəxəssisləri Azərkosmos və Azərkosmosun peykləri, Peyk idarəetməsi, həmçinin Məsafədən müşahidənin əsasları və Peyk təsvirlərinin tətbiq sahələri haqqında təqdimatlarla çıxış ediblər. Həmçinin ölkə ərazisində Azərkosmos tərəfindən həyata keçirilən ekologiya, fövqəladə hallar, xəritəçəkmə və şəhərsalma və s. layihələr haqqında ətraflı məlumat səsləndiriblər.

Tərəflər arasında bağlanan memaranduma əsaslanaraq İsmət Baxışov GGİ-nun əməkdaşları ilə gələcəkdə aparılacaq təlimlər haqqında danışaraq faydalı qazıntı yataqlarının tapılması məqdsədilə məsafədən müşahidə texnologiyalarını tədbiq edilməklə birgə tədqiqatın həyata keçirilməsi, peyk təsvirləri və sürüşmələr, geologiya və geofizika sahəsində tətbiq imkanlarının genişləndirilməsinin təlim layihələrindən söhbət açıb.

Gələcəkdə GGİ və Azərkosmos arasındakı əlaqələri genişləndirmək məqsədilə təlimlərin keçirilməsi nəzərdə tutulur.