Xəbərlər

23 Dec 2016

Diqər xəbərlər

Seysmostratiqrafiya şöbəsi

Şöbə rəhbəri AMEA-nın həqiqi üzvü Məmmədov Pərviz Ziya oğlu

Tel.: +(99412) 5100141
Faks: +(99412) 5375285
E-mail: parviz08@list.ru

Tədqiqatların istiqamətləri:

Cənubi Xəzər Hövzəsinin (CXH) litosferində əksetdirici və sındırıcı seysmik sərhədlərin geoloji mənşəyi;
CXH-də konsolidə olunmuş yer qabığının tədqiqi;
çöküntü qatının seysmostratiqrafik və sekvens stratiqrafik vahidləri;
CXH-nin böyük dərinliklərə sürətlə çökməsinin tektonik və geodinamik səbəbləri;
CXH-nin təkamülünün mərhələləri;
Azərbaycanın neftli-qazlı Məhsuldar qatının (erkən pliosen) mənşəyi və yaranmasının paleotektonik, sedimentoloji və evstatik şəraitlərinin tədqiqi.

Şöbədə CXH-nin dərinlik quruluşu, onun konsolidə olunmuş qabığı və çöküntü qatı daxilində seysmostratiqrafik vahidlər öyrənilir.

Tədqiqatlar nəticəsində təsbit olunmuşdur:

Cənubi Xəzər Hövzəsi kənar dənizin qalığıdır və okean tipli qabıq üzərində inkişaf etmişdir;
orta miosendən başlayaraq, xüsusilə pliosenin sonunda hövzənin okean qabığı platforma altına subduksiya edir;
çöküntü qatında regional izlənilən seysmik horizontlar və uyğunsuzluq səthləri aşkarlanmışdır. Bunlar çöküntü qatını 10 seysmostratiqrafik vahidə ayırır;
Orta xəzərdə metamorfik substrat üzərində qırışıq keçid kompleksi və plitə kompleksləri ayrılır;
CXH-nin yer qabığının çox böyük dərinliklərə çökmısindı subduksiyanın rolu aşkarlanmışdır;
Neftli-qazlı Məhsuldar qatın flüvial-delta mənşəyi və yaranma şəraiti öyrənilmişdir. Məhsuldar qatın lay dəstələri və horizontlarının pazlaşma zonaları aşkarlanmış və xəritələnmişdir.