Xəbərlər

21 Jun 2016

Diqər xəbərlər

GƏNC GEOLOQ SİBİRDƏ BEYNƏLXALQ KONFRANSDA İŞTİRAK EDİB

Azərbaycan Milli Elmlər Akademiyası Geologiya və Geofizika İnstitutunun Hövzə modelləşdirilməsi və geotexnologiyalar şöbəsinin böyük elmi işçisi Tofiq Rəşidov Novosibirsk şəhərində keçirilmiş Gənc alimlərin Yer elmləri üzrə VIII beynəlxalq Sibir konfransında iştirak edib. Rusiya Elmlər Akademiyası Sibir Bölməsinin A.Trofimuk adına Neft-Qaz Geologiyası və Geokimyası İnstitutunda təşkil olunmuş tədbirdə azərbaycanlı gənc tədqiqatçı tələbə və gənc alimlər üçün “Cənubi Xəzər hövzəsinin palçıq vulkanları” mövzusunda mühazirə oxuyub, “Azərbaycanın Qobustan ərazisində palçıq vulkanlarının məkanca yayılma aspektləri” adlı məruzə ilə çıxış edib.

Almaniya, Polşa, Norveç, İran, Pakistan, Çin və digər ölkələrdən nümayəndələrin qatıldığı 5 günlük konfrans V.Sobolev adına Geologiya və Mineralogiya İnstitutu, həmçinin Novosibirsk Dövlət Universitetinin təstəyi ilə baş tutub.

AMEA Geologiya və Geofizika İnstitutunun
İctimaiyyətlə əlaqələr şöbəsi

Əlaqə:
(012) 497 44 81
said.huseynov@gmail.com