Xəbərlər

06 Nov 2023

Nəşrlər

GGİ ALİMLƏRİNİN ELMİ-POPULYAR KİTABLAR SERİYASINDAN YENİ ƏSƏRİ NƏŞR EDİLİB

Elm və Təhsil Nazirliyi Geologiya və Geofizika İnstitutu Elmi Şurasının qərarı ilə g.-m.f.d. Zəki Vəliyev, elmi işçilər Nazim Əliyev və Fərid Vəliyevin “Yer planetinin ecazkar mənzərələri və təbiət hadisələri” monoqrafiq elmi-publisistik kitabı çapdan çıxıb. Nafta-Press nəşriyyatında hazırlanmış əsərin məsul redaktoru Azərbaycan Jurnalistlər Birliyinin üzvü Tamilla Rüstəmovadır.

Müəlliflər bildiriblər ki, kitabı ərsəyə gətirməkdən məqsəd oxucuları planetimizin xəyalən virtual səyahətinə sovq etməkdir. Bu məqsədlə əsərdə yer almış “Dünyamızın heyranedici mənzərələri”, “Torpaq və suların möcüzələri”, “Təbiətin daş abidələri”, “Buludun qolu” kimi 21 fəsildə fotoların müşayiətilə maraqlı hadisələr təqdim edilir.

Kitab təbiəti sevən geniş oxucu kütləsi – tələbələr, magistrlər, gənc mütəxəssislər və ümumiyyətlə, intellekt sahibləri üçün nəzərdə tutulub.