Xəbərlər


GGİ PROFESSORUNUN KARİKATURA ƏSƏRLƏRİNDƏN İBARƏT STEND NÜMAYİŞ ETDİRİLİR


16 oktyabr 2020-ci il 

”Erməni xisləti hədəfdə” stendi terrorçu Ermənistanın məkrli siyasətini əks etdirən karikaturalardan ibarətdir.

Sentyabrın 27-dən başlayaraq təşavüzkar və terrorçu Ermənistanın hərbi birləşmələrinin hücumlarına qəhrəmanlıqla sinə gərən müzəffər ordumuzun hünəri GGİ kollektivində mütəmadi müzakirə olunur, mənəvi dəstək tədbirləri keçirilir.

Son günlər ərzində orduya iki könüllünün yolasalma mərasimində elmi əməkdaşlar Azərbaycan Prezidenti, Ali Baş Komandan İlham Əliyevin uzaqgörən siyasətinin ürəkaçan və sabaha böyük ümidlər verən nəticələrini dönə-dönə xatırlayaraq ona təşəkkür məktubları ünvanlayırlar. İnstitutda odruya dəstək fonduna vəsait köçürülmüş və daha iri məbləğ ianə edilmək üçün vəsait ayırılmışdır. GG-nin iki informasiya monitorundan biri tamamilə cəbhə xəbərlərini əks etdirir.

Bu elm müəssisəsində dünən 30 il ərzində sülh, barışıq, əmin-amanlığa cəhd göstərən Azərbaycanın çağırışlarını ikili standartlarla qarşılayan beynəlxalq qurumları, terrorçu Ermənistanın məkrli siyasətini əks etdirən karikaturalardan ibarət stent hazırlanaraq nümayişə qoyulub. Karikaturaların müəllifi AMEA-nın müxbir üzvü, geologiya-mineralogiya elmləri doktoru, professor Kərim Kərimovdur.