Xəbərlər

25 Nov 2025

Diqər xəbərlər

GEOLOGİYA VƏ GEOFİZİKA İNSTİTUTUNDA BDU VƏ ADNSU TƏLƏBƏLƏRİ ÜÇÜN "AÇIQ QAPI" KEÇİRİLİB

ETN Geologiya və Geofizika İnstitutunda (GGİ) Birləşmiş Millətlər Təşkilatının Ümumdünya Şəhərsalma Forumunun XIII sessiyasının (WUF13) keçirilməsi ilə əlaqədar Gənc Alim və Mütəxəssislər Şurasının (GAMŞ) təşkilatçılığı ilə tələbələr üçün "Açıq Qapı" keçirilib.

Tədbirdə Azərbaycan Neft və Sənaye Universiteti (ANDSU) və Bakı Dövlət Universitetinin (BDU) 3-cü və 4-cü kurs tələbələri iştirak ediblər. Tədbirdə əvvəlcə GAMŞ-ın üzvü Gülcamal İsayeva İnstitutun zəngin tarixi və çoxşaxəli fəaliyyət istiqamətləri haqqında tələbələrə ətraflı məlumat verib. Daha sonra gənclər “Hidrogeologiya və geoekologiya” şöbəsinin rəhbər c.e.d. Vaqif Məmmədovun “Neft-qaz sənaye sahələrinin Bakı meqapolisinin inkişafına təsir istiqamətləri” mövzusunda məruzəsini dinləyiblər.

Məruzənin ardınca qonaqlar “Analitik Cihaz və Avadanlıqlardan Kollektiv İstifadə Mərkəzi”, “Neftin Geokimyası” laboratoriyası və Geoloji Muzeylə tanış olublar. Həmçinin tələbələrin çoxsaylı suallarına aydınlıq gətirilib, maraq doğuran məsələlər ətrafında fikir mübadiləsi aparılıb.

Tədbirin sonunda qonaqlara GGİ-nin nəşri olan “Elmin cazibəsi” çoxcildliyinin nüsxələri hədiyyə edilib.